လွတ်မြောက်ရာ လမ်းကြောင်း

ထိုရွာကလေးသည် အလွန်နက်ရှိုင်းသော တောအုပ် အလယ်တွင် ထီးထီး တည်ရှိလေသည်။ သူတို့၏ ရွာကလေး သည် လက်ရှိကမ္ဘာလောကကြီးမှ သီးခြားဖြစ်တည်နေသော ရွာကလေး တစ်ရွာဖြစ်သည်။ လူဦးရေမှာ လည်း အလွန်ပင်နည်းပါးလှလေသည်။ မည်သူမှ ရွာပတ်ဝန်းကျင် မိုင်အနည်းငယ်ခန့်ထက် ပိုမရောက်ဖူးကြဟု ယူဆရလေသည်။ အဘယ်ကြောင့်ဆိုသော သူတို့၏ ရွာကလေး သည် အလွန်နက်ရှိုင်းသော တောနက်အလယ်ရှိ မြေပြန့်ကလေးတွင် တည်ရှိပြီး ပတ်ဝန်ကျင်တွင်လည်း တောတောင်များ အထပ်ထပ် ၀န်းရံနေပြီး လူသားတို့ကို အန္တရာယ် ပြုနိုင်သော သားရဲ တိရိစ္ဆာန်များလည်း အလွန်ပင် ပေါများလှသော ကြောင့် ဖြစ်လေသတည်း။

သူတို့ အားလုံး အတွက်တော့ အသက်ရှင်နေထိုင်မှု့သည် စိန်ခေါ်မှု့ တစ်ရပ်ဖြစ်လေသည်။ အစာရေစာရှာဖွေရန် အန္တရာယ် အမျိုးအမျိုး ကိုကာကွယ်ရန်၊ ရာသီဥတုဒဏ်ခံနိုင်ရန် အစရှိသည်တို့ အတွက် သူတို့တစ်တွေ အသက်နှင့် ထပ်ပြီး ရုန်းကန်ရလေသည်။ နေ့စဉ်ပင်ပန်းဆင်းရဲကြီးစွာရုန်းကန်လှုပ်ရှားမှ အသက်ရှည်ရပ်တည်နိုင်မည် ဖြစ်လေသည်။ သူတို့ရွာသူရွာသား အားလုံးသည် ယခုနေရာထက်ပိုကောင်းမည့် နေရာ ပိုလုံခြုံမည့် နေရာ ဘ၀အာမခံချက် ပေးနိုင်မည့် နေရာ သို့ ရွေ့ပြောင်းလိုကြလေသည်။ သို့သော် မည်သည့်နေရာကို မည်သို့ သွားရမည်ကိုလည်း မသိကြချေ။ တစ်ချို့စွန့်စားလိုသူများသည် လည်း နေရာသစ်ရှာဖွေရန် ထွက်ခွာသွား ကြဖူးလေသည်။ ထိုသူများ မည့်သည့်အခါမှ ရွာကို ပြန်ရောက် မလာကြချေ။

ရွာရှိ အသက်အကြီးဆုံးရွာသား တစ်ဦးက ပြန်ပြော ပြလေသည်။

‘ကျုပ် ဒီထက်ပိုကောင်းတဲ့ နေရာကို သွားချင်တာဗျ။ ဒါပေမယ့် ဘယ်လိုသွားရမှန်းလည်း မသိဘူး။ သွားဖို့ ကြိုးစားကြတဲ့ သူတွေ အားလုံးလည်း ကျုပ်သက်တမ်းမှီသလောက်တော့ တစ်ယောက်မှ ပြန်ပေါ်မလာတော့ ဘူး။ အဲဒီတော့ အခုတော့ ဘယ်သူမှ သိပ်မသွားရဲဘူးပေါ့ဗျာ။’

သို့အတွက်ကြောင့် ရွာသားများသည် ဆင်းရဲဒုက္ခအတွင်းမှ လွတ်မြောက်စေရန် အလို့ငှာ ကိုးကွယ်ရာ အမျိုးမျိုးကို ရှာဖွေခဲ့ ကြလေသည်။ အချို့က ရွာထိပ်ရှိသစ်ပင်ကို ကိုးကွယ်ကြလေသည်။ အချို့က ရွာတောင်ဘက်က တောကို ကိုးကွယ်သည်။ တစ်ချို့ကတော့ ရွာနှင့် အတန်ငယ်လှမ်းသော တောင်ကတုံးကို ကိုးကွယ် ကြသည်။ တစ်ချို့က နီညိုရောင်ရှိသော မြေကြီးကို ကိုးကွယ်သည်။ တစ်ချို့က ကောင်းကင်ကို ကိုးကွယ်သည်။ တစ်ချို့က မီးကို ကိုးကွယ်သည်။ စသဖြင့် အားကိုးစရာ အမျိုးမျိုးကို ရှာဖွေခဲ့ ကြလေသည်။

တစ်ခါတွင်တော့ စွန့်စား သူတစ်ဦး ပေါ်ပေါက်ခဲ့လေသည်။ သူကရွာသူရွာသားများ၏ ဆင်းရဲ ဒုက္ခများ ကယ်တင်ရန်နှင့် လွတ်မြောက်ရာလမ်းကြောင်းကို ရှာဖွေရန် ဆုံး ဖြတ်ခဲ့ လေသည်။ သူက နောင်တွင် ပြန်ပြောပြလေသည်။

“အခုကျွန်တော်တို့ နေနေရတာ တကယ့် ကိုဒုက္ခဘုံပဲ။ နေ့စဉ်နှင့် အမျှ အန္တရာယ် အမျိုးအမျိုး နဲ့ ကြုံနေရတာပဲ။ ကျွန်တော်က အဲဒီက လွတ်မြောက်ချင်ပြီ။ ငြိမ်းငြိမ်းချမ်းချမ်း နေချင်တယ်ဗျာ။ ပြီးတော့ ဖြစ်နိုင်ရင် သူတို့ကို ကယ်တင်ပေးချင်တယ်။ အဲဒါကြောင့် ကျွန်တော်ဒီလမ်း ကိုရွေးခဲ့တာပဲ။”

အဲဒီနောက် အဆိုပါပုဂ္ဂိုလ်သည် ရွာမှ ထွက်ခွာသွားလေသည်။

ဒီလိုနှင့် နှစ်တော်တော်များများ ကြာသွားခဲ့လေသည်။

တစ်ရက်တော့ မထင်မှတ်ပဲ ထိုစွန့်စားသူ ပုဂ္ဂိုလ်ရွာသို့ ပြန်ရောက်လာခဲ့လေသည်။ ရွာသူရွာသားများ အတွက်တော့ တကယ့်ကို အံဖွယ်သရဲ ပညာရှိသူရဲကောင်း တစ်ယောက် ဖြစ်ခဲ့ လေသည်။ သူ၏ အတွေ့ အကြုံများ မှာလည်း ထိုရွာသူ ရွာသားများ ယခင်က လုံးဝ မကြားဖူးခဲ့သော အကြောင်း အရာများ ဖြစ်လေသည်။ လမ်းခရီး တစ်လျှောက် မည်မျှ ဆင်းရဲ ဒုက္ခရောက်ခဲ့ ပုံ၊ မည်သည့် အန္တရာယ် အသွယ်သွယ် ကြုံခဲ့ ရပုံ၊ မည်သို့ စွန့်စားခဲ့ရပုံ တိုက်ခိုက် သတ်ပုတ်ခဲ့ရပုံတွေ မှာရင် သတ်ရှု့ မောဖွယ်ဖြစ်လေသည်။ နောက်ဆုံးတွင် တောနက်ထဲက ထွက်ပြီး အလွန် ငြိမ်းချမ်း သာယာသော နေရာကို တွေ့ရှိခဲ့ လေသည်။
ထိုပညာရှိလူစွမ်းကောင်းက ရှင်းပြလေသည်။

‘ကျွန်တော် အခုခင်ဗျားတို့ ထဲက လိုက်ချင်တဲ့ သူတွေကို ပြန်လာခေါ်တာ။ လိုက်ခဲ့ ကြ။ အဲဒီနေရာကို ရောက် မရောက်ကတော့ ခင်ဗျားတို့ အပေါ်မှာ မူတည်တယ်။ ကျွန်တော်က လမ်းပဲ ညွှန်နိုင်မှာ။ လမ်းခရီးက အရမ်းကြမ်းတမ်း ခက်ခဲ တာမဟုတ်လား။ ခင်ဗျားတို့ရဲ့ ကံ၊ဥာဏ်၊၀ိရိယ အပေါ်မှာ ပဲ မူတည်တယ်။ ကျွန်တော်ကတော့ ကျွန်တော် သွားခဲ့ တဲ့ လမ်းကို လမ်းညွှန်ပေးနိုင်တယ်ဗျာ။’

တစ်ချို့ သူများကလည်း ထိုလူစွမ်းကောင်း ၏ လမ်းကြောင်းကို လိုက်ပါ စွန့်စား ရန် သဘောတူကြလေသည်။ စွန့်စားရန် သဘောတူသူ တစ်ယောက်က ပြောသည်။

‘ပိုကောင်းတဲ့ လမ်းကြောင်း ကို ပြပေးနိုင်တဲ့ သူတစ်ယောက်ရှိမှတော့ ကျွန်တော်တို့ ကဘာလို့ မစွန့်စား နိုင်ရမှာလဲဗျာ။ လမ်းမှာ သေသွားရင် လည်း တန်ပါတယ်။ ကျွန်တော်တော့ သွားမယ်ဗျာ။’

သို့သော အချို့ လူများကလည်း လက်ရှိ အခြေအနေကလေးကို ပျက်သွားမှာ စိုးရိမ်ကြလေသည်။

‘ထိုင်နေအကောင်းသားဗျာ ထသွားမှ ဒုက္ခရောက်နေဦးမယ် ’ ဟု ဆိုကြလေသည်။

‘ဒီမှာ ကျွန်တော်တို့ ပိုင်ဆိုင်တဲ့ ဟာတွေယူသွားလို့ မရတော့ ဟိုရောက်ရင် ဒုက္ခရောက်နေမှာပေါ့။’ ဟုလည်း တွေးကြလေသည်။

သို့နှင့် ထိုပညာရှိလူစွမ်းကောင်းလည်းသည်လည်းသူနှင့် အတူလွတ်မြောက်ရာ လမ်းကြောင်းသို့ လိုက်ပါလိုသူ အချို့ ကိုလမ်းညွှန်ခေါ်ဆောင်သွားပြီး ထိုရွာကလေးမှ ထွက်ခွာသွားလေသည်။ သို့သော် သူသည် ကျန်ရစ်သည့် သူများ ထိုလမ်းကြောင်းအတိုင်း သွားလိုပါက သွားနိုင်ရန်အတွက် လမ်းပြမြေပုံ တစ်ခုကို လည်း တိတိကျကျ ညွှန်ပြထားပေးခဲ့ လေသည်။

ကျန်ရစ်သော ရွာသူရွာသားများသည် ထိုလမ်းပြမြေပုံကို သေချာမှတ်တမ်းတင်ကြလေသည်။ ထိုမြေပုံ အရ သွားရမည့်လမ်း မှာ အလွန်ခက်ခဲ ပင်ပန်းလေသည်။ သာမာန် လူများသွားလာရန် မလွယ်ကူချေ။ အန္တရာယ်လည်း အလွန်များလေသည်။ မသွားနိုင်သော တစ်ချို့ လူများက ဆိုသည်။

‘တစ်နေ့နေ့ တော့ ရောက်အောင်သွားရမယ်ဗျ။ ဒါပေမယ့် ကျွန်တော်တို့ အတွက်တော့ သိပ်မလွယ်ဘူး ဖြစ်နေတယ်။ ဒါပေမယ့် တစ်နေ့နေ့ တော့ ရောက်အောင်သွားရမယ်’
တစ်ချို့ကလည်း ပြောသည်။

‘ကျုပ်တစ်ယောက်ထဲဆိုရင်တော့ တုံးတိုက်တိုက် ကျားကိုက်ကိုက် စွန့်စားပါတယ်ဗျာ။ အခုဟာက မိသားစုနဲ့ ဆိုတော့ သိပ်မလွယ်ဘူးဗျ’

ထိုပညာရှိကို မယုံကြည်သူများကလည်း ရှိသေးသည်။ သူတို့ကတော့ ထိုလမ်းကြောင်းကို မယုံကြ။ သူတို့က
‘သူပြောတာကို ဘယ်လိုလုပ်ယုံရမလဲဗျ။ ကိုယ်တိုင်မှ မမြင်နိုင်တာ။ မဟုတ်ရင် ဘယ့်နှယ့်လုပ်မလဲ။ အလကားတော့ အသေမခံနိုင်ပေါင်’ ဟုဆိုကြလေသည်။

အချိန်ကာလ ရွေ့လျားလာသောအခါ အချို့သော ရွာသားများသည် ထိုပညာရှိလူစွမ်းကောင်း၏ ရုပ်ထုကို ထုလုပ်ပြီး ကိုးကွယ်ထားလေသည်။ ဤရုပ်ထုကိုပူဇော် ပသ ပါက ထိုလွတ်မြောက်ရာလမ်းကြောင်းသို့ ရောက်ရမည်ဟု ယုံကြည်ကြလေသည်။ ယုံကြည်သည့်အတိုင်းလည်း နည်းအမျိုးမျိုးဖြင့် ပူဇော်ပ သကြလေသည်။

သူတို့က ဤသို့ဆိုသည်။

‘ပညာရှိကြီးကို ယုံကြည်ကိုးကွယ်မှတော့ သူကတစ်နေ့ကြရင် ကျွန်တော်တို့ကို လာပြီး ကယ်တင်မှာပေါ့’

‘ကျုပ်တို့ကတော့ ပူဇော်ရင်းနဲ့ ပဲ သူလာကယ်မယ့် အချိန်ကို စောင့်နေမယ်’

တစ်ချို့ကလည်း သူတို့ အယူအဆကို ရှင်းပြသည်။

‘ကျွန်တော်တို့ကို ကူညီကယ်တင်သွားတဲ့ ကျေးဇူးရှင်ကို မှတ်မှတ်ရရ ကိုးကွယ်ရအောင်လို့ပါဗျာ’ ဟု။

ဤသို့ဖြင့်

အလွန်နည်းပါးလှသော သူအချို့သာ ထိုလွတ်မြောက်ရာ လမ်းကြောင်းကို လိုက်ပါသွားနိုင်ပြီး
တစ်ချို့က သွားရန်ကြိုးစား အားထုတ်လျှက်
တစ်ချို့က မျှော်ငေးကြည့်လျှက်
အများစုကတော့ ပညာရှိကြီးကို ကိုးကွယ်ပသလျက် ထိုပညာရှိ ထွက်ခွာသွားသော လမ်းဘက်သို့ တမ်းတရင်းသာ ဒုက္ခများမြောင်လှသော ထိုရွာကလေးတွင် အရိုးထုတ်သွားကြလေသတည်း။

မိုးတိမ်ညို
1 JANUARY 2010